Kelakar Wong Kito "Tujuh Belasan"

     Tujuh belas agustus'an taun ini dirayoke besak-besak'an. Bukan cumo masyarakat dari beberapo kampung sekitar sungai Ogan yang bejubel di pinggir sungai, tapi petinggi2 daerah, tokoh2 masyarakat termasuk pengusaha kelas kakap Palembang Jugo dateng.

    Dak tau makmano ceritonyo dan ngapo diselenggaroke di sungai Ogan yang dikenal banyak buayonyo, tapi nyatonyo banyak peserta lomba Bidar lebih dari duo belas kabupaten se-SUMSEL yang milu, mereka pecak dk peduli dengan kondisi sungai yg banyak buayonyo.

     Acara berlangsung tertib, meriah dan pecak Tujuh belasan taon lalu, ado panjat pinang, ado lomba karung, dan masih banyak permainan lainnyo. Di puncak acara dilaksanakan lomba Bidar (dayung perahu bidar/perahu khas palembang klo dk salah).

    Lah selesai segalo macem lomba, masyarakat bingung jingok di panggung, masih ado hadiah motor Kawasaki 250 cc belum dibagike ke pemenang.

     Dak lamo MC ngomong : "Bapak-IBU ! taun ini ado acara tambahan, nah di panggung ado motor Kawasaki 250 cc dan di meja lah disiapke duit kontan 'Sepuluh Juta' hadiah ini sumbangan pengusaha kito untuk warga yang dianggap "pemberani" bae. Siapo yang pacak berenang nyebrang sungai ini dengan selamat , maka seluruh hadiah menjadi punyo dio, tapi dengan catatan resiko tanggung dewek ! kito tau galo , buayo2 disini besak2 nian, dak pecayo ??! sekarang kito samo samo saksi ke, bener dak...

           Panitia nguntal ke duo ayam ketengah sungai , keduo ayam itu terbang sekuat tenago , tapi dak lamo kakinyo nempel di permukaan banyu, detik itu jugo buayo langsung menyergap dan nelen ayam itu tanpa siso walau sikok bulu jugo, "wooooW"... !! teriak warga hampir serempak'an.

            MC : "Nah .. mano warga kampung ini yang katonyo pemberani, ayo ..!

Ruponyo katek sikok jugo warga yg berani , keadaan berubah jadi senyap.

           MC : "Bapak- ibu barusan aku dibisikke , sekarang hadiah kontannyo nambah lagi jadi total 'limo puluh juta, ayo.. cuma taun ini hadiah nyo besak, jangan dilewatke .. !

 

          Dak lamo.. Byuuurrrr .. ado yang melumpat ke sungai. Masyaallah !!! teriak warga. Ruponyo si - Nando, dio berenang masih pake baju kaos lengkap dengan celano jeansnyo. Kejingok'an setengah mati dio nyelamat ke dirinyo .

Saro dio ngindar dari sergapan buayo ganas , pas la deket ujung sungai ado buayo item melompat langsung menyergap, rahangnyo sampe kejingok'an . untunglah oleh dorongan "pingin hidup" panjang , Nando pacak lebih dulu melompat ke pinggir sungai dan selamatlah dio..

        Warga segera datang'i Nando yg masih terkulai lemas.. "Woiii.. Ndo hebat nian kau, dak kusangko bujang lapuk kito ni, nyatonyo Pemberani !!"

Panitia pun datang ngucapke selamat , langsung ngomong : "Ndo.. Selamat yo, hadiahnyo lah disiapke, silahkan di-ambek.

           Dengan siso tenago terakhir Nando tegak langsung teriak : IDAKKK ..!!

Dio langsung nerobos warga jalan ke panggung ngerampas mik dari tangan MC sambil ngomong :

" Aku dak peduli dengan hadiah tuu, aku nak tau nian ! siapo tadi yang NGEJULAK-KE akuu .. !"